تعلمنا في نادي الافريقي

تعلمنا في نادي الافريقي كي يطيح ملاعبي ناقفو معاه !!! كيما العيفة و ذوادي و برشا برشا برشا ملاعبية !! ازيكال ملاعبي كبير ناس الكل تعرف هذا مهاجم هداف معندوش في ساقيه اي اما يعرف يحط الكرة في شبكة !! ملاعبي هذا مسجل 35 هدف تقريبا مع نادي الافريقي !! براسمي لولاد لزمنا ناقفو معاه !! و الي عندو عكس هذا ما يفهمش في الكرة والدليل أنو إيزيكال اليوم ضيع أكثر من 5 فرص سانحة للتسجيل و ذلك السبب يعود إلى عدم جاهزية هذا اللاعب سواء بدنية أو ذهنية . 

وزادة اليوم بعد ما تم تغييروا في الدقيقة 72 , الفريق لم يتحصل على فرصة واحدة ماعدا فرصة الهدف القاتل في دق 94 .ونحب نأكد في المركاتو القادم راهو موش باش تلقى ملاعبي خير من إيزيكال sous contrat , libre و إلا فريقو باش يسيب فيه و نذكركم العام الفارط الهيأة المديرة مانجمتش تنتدب حتى مهاجم و في أخر لحظة جابت إيزيكال و زادة نذكركم فريق الجار أش صارلو وفي أخر لحظة جاب يانيك نجانغ بعد ما باعوه عمروا 23 سنة بعد عام جابوه عمروا 32 سنة و هاو مانجحش و لا واحد تكلم . وتوة هام يتفاوضوا مع مايكل إنراموا و باش يصيرلوا كيما خوه. و مافماش ملاعبي كبير باش يلعبلك في البطولة التونسية surtout مهاجم .

وباش نرجعلكم لإيزيكال راهوا ناقص نسق في ساقيه و خاصة أنوا في أزمة نفسية و لازمنا ناقفوا معاه و تعرفوا المهاجم دائما هو كبش فداء .و بصراحة أنا تمنيت اليوم ما هبطوش من البداية حقوا هبطوا نصف ساعة أكهوا و زادة نحب نقول حاجة راهو يستناو فينا مباريات صعبة الملعب التونسي و النجم الساحلي وفي النهائي إنشاء الله يا إما الترجي أو النادي الصفاقسي .السؤال المطروح هنا , في غياب دجابوا هل أن ماط موسيلو و أزر الغالي قادران على الوقوف أمام دفاع الفرق المنافسة في حجم stade w EST w ESS w CSS !!!!!!!!!!!!!

و بصراحة أنا خايف على الفريق متاعنا و سبب ذلك عدم جاهزية مهاجمينا و يبق الحل الوحيد أنوا لازمنا ناقفوا معاه إيزيكال في هذه اللحظة بالذات ولأن المصلحة هي مصلحة فاريقنا قبل كل شيء. 

وإنشاء الله يكون تحليلي صائب و نحترم كل أراء الجميع وإنشاء الله ربي معانا و أكهو................

وعاش النادي الإفريقي و عاش شعبه العظيم ......